O luns 23, ás 15:30h terá lugar en Castrelo do Val unha charla sobre reciclaxe e que tipo de materiais han de botarse no contenedor amarelo.

A charla será impartida por persoal da Deputación de Ourense

• Luns 23 de abril: 15:30h no Centro Multiusos do Terrón de Castrelo do Val
• Martes 24 de abril: 15:30h no Telecentro de Nocedo do Val

En aplicación da Lei 3/2007 da Xunta de Galicia de Prevención e Defensa contra incendios forestais, comunícase mediante o presente aos propietarios dos terreos situados nos núcleos rurais que teñen que estar libres de maleza.

Aquelas fincas que están fora do núcleo e teñan algún tipo de edificación, deberán ter como mínimo unha franxa de 10 metros limpa a carón da edificación.

No caso de non cumprir ditas normas estarán expostos ás sancións que establece a Xunta de Galicia.

O concello de Castrelo do Val lamenta profundamente o falecemento do brigadista Higinio Vivas López, que perdeu a vida no día de hoxe mentres traballaba na extinción do incendio declarado no noso termo municipal, entre Piornedo, Servoi e Fontefría.

Neste día gris, dende o Concello queremos transmitir o noso pésame ao familiares, amigos e compañeiros, ao tempo que enviamos todo o ánimo e apoio aos brigadistas que, día tras día, exercen unha importantísima labor na loita contra o lume.

O vindeiro venres 30 de marzo de 2012 celebrarase o pleno ordinario correspondente no Concello de Castrelo do Val. Velaquí a orde do día para a súa consulta.