Concello Castrelo do Val
O Concello de Castrelo do Val celebra a vontade da Xunta para acomenter as reformas na OU 113 PDF Imprimir Correo-e
Luns, 11 Marzo 2013 17:22

O Concello de Castrelo do Val congratúlase pola decisión da Consellería de Medio Ambiente, Territorio e Infraestruturas de atender ás peticións presentadas polo Concello no relativo á súa vía de tráfico máis transitada. 

Nun escrito recibido os pasados días, a Xunta afirma que se están a realizar as correpondentes xestións con ADIF - o organismo promotor das obras do tren de alta velocidade - para que nos vindeiros días se poidan iniciar os traballos de reparación, limpeza e conservación da estrada OU 113 afectada polo intenso tráfico pesado.

Así mesmo, a Xunta tamén estuda a petición do Concello para o cambio das sinalizacións de velocidade na localidade de Castrelo do Val, tamén na estrada OU 113, para unha posible modificación dos sinais de tráfico conforme a criterios de razoabilidade e non innecesariamente restritivos sen prexuizo da normativa de sinalización de tráfico vixente.

 
O concello solicita á Deputación de Ourense a renovación do mobiliario urbano dos pobos de Castrelo do Val. PDF Imprimir Correo-e
Mércores, 06 Marzo 2013 15:24

O concello de Castrelo do Val solicitou formalmente á Deputación de Ourense a renovación do mobiliario urbano dos pobos do noso concello, logo de que a Deputación anunciase unha partida presupostaria a tal efecto.

A Deputación de Ourense destina unha partida de 60.000€ do presuposto reservado deste ano para renovar o mobiliario urbano máis recoñecible da provincia: bancos e marquesiñas.

O concello de Castrelo do Val conta con dúas marquesiñas, nas localidades de Vilar e Nocedo do Val que presentan actualmente un estado lamentable, polo que, sabendo da partida presupostaria que adicará a Deputación a tal efecto, solicita a renovación das marquesiñas e a colocación de bancos en varios núcleos poboacionais.

marquesina1  

Estado actual da marquesiña de Vilar

 
O Concello solicita á Xunta de Galicia a revisión da sinalización de tráfico da OU 113 ao seu paso pola localidade de Castrelo do Val PDF Imprimir Correo-e
Venres, 01 Marzo 2013 10:48

O Concello de Castrelo do Val solicitou á Consellería de Medio Ambiente, Territorio e Infraestruturas un cambio na sinalización de velocidades máximas na OU 113 ao seu paso por Castrelo do Val.

Dende o Concello enténdese que a sinal de velocidade máxima a 50km/h debe estar no punto kilométrico 5.2 e non no punto kilométrico 4.7 como está actualmente.

Na actualidade, a sinal de 50km/h está ao comezo do termo municipal, a uns 500 metros do comezo do solo urbano, onde se solicita que se mova dita sinalización de velocidade máxima a 50km/h. Así mesmo, tamén se entende que, dado que a vía ten unha velocidade máxima de 90km/h, supón un cambio moi drástico pasar desa velocidade aos 50km/h máximos permitidos en toda a localidade en tan pouco espazo.

A solicitude de cambio de velocidades propón que, no lugar onde está agora a sinal de 50km/h (punto kilométrico 4.7), se estableza unha sinal de 70km/h e, a 500 metros(punto kilométrico 5.2) - no comezo do solo urbano - se estableza a velocidade máxima de 50km/h para toda a localidade.

 
O Concello solicita a reparación dos danos causados na OU-113 PDF Imprimir Correo-e
Luns, 25 Febreiro 2013 18:33

O concello de Castrelo do Val solicitou á Consellería de Medio Ambiente, Territorio e Infraestruturas que tomase as medidas oportunas para que as empresas que están a levar a cabo as obras do Tren de Alta Velocidade que pasa polo noso concello reparen os danos ocasionados nas vías.

 

A rede viaria, ao seu paso polo Concello de Castrelo do Val, está a verse seriamente afectada polo intenso tráfico pesado dos vehículos que están a acometer as obras do tren de alta velocidade que transcorre polo noso concello.

 

+info
 
Ordenanza reguladora da venda ambulante e das actividades feirais PDF Imprimir Correo-e
Luns, 18 Febreiro 2013 17:24

O concello de Castrelo do Val ven de aprobar a ordenanza que regula a actividade en torno ás feiras e venda ambulante co obxecto de posibiltar mediante un marco legal a celebración dalgún tipo de actividade neste sentido.

As licenzas serán expedidas no concello e variarán en función dos núcleos de poboación, que estarán clasificados segundo o seu tamaño en 3 niveis diferentes:

  • Nivel I: Castrelo do Val e Nocedo do Val.
  • Nivel II: Pepín, Gondulfes, Campobecerrros, Fontefría e Servoi.
  • Nivel III: Resto de núcleos de concello.

As taxas serán as seguintes según o nivel:

  • Nivel I: 
    • 1 día a semana, 20 € ó ano por núcleo.
    • 2 días a semana, 35 € ó ano por núcleo.
    • 3 días a semana, 40 € ó ano por núcleo.
  • Nivel II: 
    • 1 día a semana, 15 € ó ano por núcleo.
    • 2 días a semana, 20 € ó ano por núcleo.
    • 3 días a semana, 25 € ó ano por núcleo.
       
  • Nivel III: 
    • 1 día a semana, 5 € ó ano por núcleo.
    • 2 días a semana, 7 € o ano por núcleo.
    • 3 días a semana,10 € o ano por núcleo.

 

O custe das taxas non ten ningún afán recadatorio, e o que se persegue é a regulación dunha actividade como xa teñen concellos veciños - con ordenanzas moi similares - coma é o caso de Vilardevós, e evitar a fraude, dado que os vendedores que soliciten a licenza han de cumprir os requisitos legais necesarios no que respecta á súa situación coa Seguridade Social e, no caso dos produtos de alimentación e herbodietética deberá, adicionalmente, cumprir os requisitos que impón a normativa sanitaria.

Coa aprobación desta ordenanza, calquera interesado en celebrar unha feira ou actividades de venda ambulante pode dirixirse ao Concello para regularizar dita actividade.

 
Máis artigos...
<< Inicio < Anterior 1 2 3 4 5 6 7 8 9 10 Seguinte > Final >>

Páxina 9 de 35

Procura interna na web

Imaxe aleatoria

  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria
  • Imaxe aleatoria

Correo electrónico

so para usuarios con conta de correo
Cartel

----- Concello de Castrelo do Val - Rúa do Toural, 15 - 32625 - Ourense. Teléfono 988 419 002 ----- Validado XHTML e CSS.