O vindeiro venres 14 de agosto ás 20:00h. terá lugar unha exposición de pintura que recollerá os traballos dos alumnos que, durante todo o ano, participaron nas clases de pintura que tiveron lugar no noso Concello.
O acto terá lugar no Centro de Interpretación do Patrimonio de Castrelo do Val, e, ao final do acto, servirase un aperitivo.

E o día 16 terá lugar ás 19:30h unha actuación dun grupo de música tradicional, cortesía do programa "Vai de Camiño" que xestiona a S.A. de Xestión do Plan Xacobeo. A actuación terá lugar no parque do Terrón.

Xa tes dúas boas excusas para pasar por Castrelo do Val!

Para os que non puideron velo na "I Feira do Can de Caza", aquí queda o vídeo realizado con imaxes do concello, tomadas na súa meirante parte no outono pasado. Que o gocedes!

Rachando cos preconceptos que se teñen da arquitectura no rural, temos de partir unha lanza a favor la arquitectura tradicional ou popular, quizabes a mostra representativa máis importante do noso concello. Este tipo de arquitectura está presente en todos os pobos do noso concello, lonxe ao tempo da arquitectura culta que poden representar as estruturas relixiosas (igrexas, capelas…) pero formando a esencia do noso substrato cultural.
Pedro Pablo Vidal, un veciño de Portocamba, confeccionou un vídeo (abaixo) centrándose na arquitectura popular de Portocamba.



(Preme en +info para ler o resto da nova e o artigo de opinión que nos manda Pedro Pablo Vidal)