| Plan municipal de prevención e defensa contra os incendios forestais |
 |
 |
 |
| Luns, 18 Maio 2009 08:43 |
|
O Concello de Castrelo do Val asina un convenio de colaboración coa Consellería de Medio Rural para a redacción do plan municipal de prevención e defensa contra os incendios forestais.
De acordo coa lei 3/2007, os concellos están obrigados a ter un plan municipal de prevención e defensa contra incendios forestais para así integralos aos plans de emerxencia municipais. Desta maneira, a Administración Autonómica presta a súa colaboración ás entidades locais, mentres que as entidades locais, como Castrelo do Val, colaborarán na vixilancia, prevención e defensa contra os incendios forestais, máxime en Zona de Alto Risco (ZAR) como é delimitado o noso Concello. En virtude deste convenio, o Concello ha de: · Realizar todas as tarefas para a redacción do plan municipal de prevención e defensa contra os incendios forestas. · Informar das actuacións prioritarias en materia de incendios forestais, coordinadas co noso distrito forestal. Pola súa banda, Medio Rural: · Executará os traballos viables segundo o distrito forestal XIV (Verín - Viana). · Asesorará ao concello na redacción do plan. · Aportará o 50% dos custes de actuación, cun máximo de 5000€. O concello ten intención de levar a cabo as accións necesarias canto antes e ter aprobado o plan antes do 15 de novembro, data límite establecida pola Administración Autonómica. |